1 ноябрдан бошлаб Қозоғистонда еттита республика аҳамиятига молик йўлларда, яъни мамлакатдаги энг машҳур автомобиль йўллари бўйлаб пуллик тўлов амалга оширилди. Энг қиммат тариф юк машиналари ҳайдовчилари учун белгиланган. Масалан, енгил автомашина ҳайдовчиси Нур-Султон – Павлодар йўлида ҳаракатланиш учун деярли бир доллар тўлайди, юк ташувчилардан эса 20 баробар кўп ҳақ олинади. Қозоғистон президенти Қосим-Жомарт Токаев бу қарорни ҳимоя қилиб, «Пуллик йўлларни жорий этиш жаҳон амалиётига мос келадиган тўғри қарор», деди.