Ўзбекистон ХДП томонидан навбатдаги тадбир партиянинг Бағдод тумани кенгаши ташаббуси билан энг чекка ҳудудда жойлашган Дашт МФЙда ўтказилди.

"Соғлом авлод учун" халқаро хайрия жамғармаси Фарғона вилояти ҳудудий бўлинмасининг тиббий-ижтимоий бригадаси мутахассислари ушбу маҳаллада тиббий кўрик ўтказди. Бу жараёнда асосий эътибор эҳтиёжманд оилалар вакиллари ҳамда "Аёллар дафтари" да турган хотин-қизларга қаратилди.

Тиббий кўрик давомида 110 дан ортиқ хотин-қизлар шифокорлар назоратидан ўтди. Икки нафар беморларга имтиёзли даволанишлари учун йўлланмалар берилди.

25 нафар эҳтиёжманд хотин қизларга "Соғлом авлод учун" халқаро хайрия жамғармаси Фарғона вилоят ҳудудий бўлинмасининг 14 турдаги дори-дармонлари бепул тарқатилди.