Ўзбекистон Халқ демократик партияси Сурхондарё вилоят кенгаши томонидан Термиз шаҳрида “Ташаббус ва ғояларимиз мустақил Ўзбекистон тараққиёти учун” шиори остида “Ўзбекистон ХДПнинг энг фаол депутати” кўрик-танловининг вилоят босқичи бўлиб ўтди.
Тадбирни вилоят Кенгаши раис ўринбосари Адолат Холтўраева очиб бериб, иштирокчи депутатларни табриклади. Шундан сўнг танлов қатнашчилари 3 та шарт яъни, аҳоли муаммосини ҳал этишнинг энг самарали йўли, сиёсий ҳозиржавоблик ва эркин мавзуда ўз билим ва тажрибаларини намойиш қилдилар.
Иштирокчиларни баҳолаб бориш учун 5 нафардан иборат ҳакамлар ҳайъати ва 3 кишилик саноқ комиссияси ташкил этилди.
Ҳакамлар ҳайъати хулосасига кўра, Денов туманидаги 47-Тотувлик сайлов округидан сайланган вилоят кенгаши депутати Шахло Қодирова бир овоздан биринчи ўрин совриндори бўлиб, Республика босқичига йўлланмани қўлга киритди.
