Ўзбекистон Халқ демократик партиясининг самарқандлик ёш аъзоси Урганчбек Эгамназаров Парижда бўлиб ўтадиган 2024 йилги ёзги Паралимпия ўйинларида иштирок этиш ҳуқуқини берувчи лицензияга эга бўлди.

У енгил атлетика бўйича жаҳон чемпионатининг эркаклар ўртасида Т11 классида узунликка сакраш баҳсларида стартга чиқиб, 6 метр 6 см натижа билан 4-ўринни эгаллади. У. Эгамназаров бу натижа билан Париж-2024 ёзги Паралимпия ўйинларида тўғридан-тўғри иштирок этиш лицензиясини қўлга киритди.

Таъкидлаш керакки, У. Эгамназаров ушбу жаҳон чемпионатида ўз шахсий рекордини ҳам янгилади.