Ўзбекистон Халқ демократик партияси Самарқанд шаҳар кенгаши раиси А.Худоёров томонидан «Қонунчилик ёшлар нигоҳида» лойиҳаси доирасида Самарқанд шаҳар «Юксалиш» маҳалла фуқаролар йиғинида ёшлар билан учрашув ташкил этилди.

Учрашув давомида давлатимиз томонидан ёшларга яратилаётган имкониятлар ҳамда таълим ва спортни ривожлантириш, ёшларни билимли, заковатли, илмли бўлишларига шароитлар яратилиб берилаётганлиги таъкидлаб ўтилди. Ёшларга доир қонунларимизнинг мазмун-моҳияти, янги қабул қилинган Конституциямизда ёшларга оид моддаларнинг кенгайтирилганлиги ва мазмун-моҳияти ҳамда партиянинг мақсад ва вазифалари тўғрисида кенг маълумот берилди.